Literature

علشان ( منى ) اللي عدت التلاتين ولسة ما تخطبتش، رغم أنها أمورة ومؤدبة بشهادة الجميع. – علشان ( سهى ) اللى عصرت على نفسها لمونة واتخطبت سنتين لواحد حفي وراها، ورغم كدة هو اللي سابها. – علشان ( تقى ) اللى اكتشفت بعد شهر جواز إنها اتجوزت واحد غير اللي كانت تعرفه. – علشان ( نهى ) اللي جوزها خانها بعد 10 سنين احترام وإخلاص وحب وهيام. – علشان منى وسهى وتقى ونهى، وغيرهم من البنات اللي فشلو يحلوا شفرة الراجل… علشانكم قررت أعمل زي رامز وأبيع أصحابي – جنس الرجالة كله – وأكشف أسرارهم

“طبعًا يا صديقي ما بقاش فيه دلوقتي ست حلوة وست وحشة ولا ست فرفوشة وست نكدية. لكن فيه ست جوزها بيعاملها كويس ويدلعها ويديها فلوس تسافر بيروت تنفخ وتشفط فترجعله هيفاء عجرم. وفيه ست جوزها بيهينها ويقلل منها ويديها فلوس تروح السوق تشتري الخضار وتدفع الإيجار فترجعله تفيدة عبد المتجلي. يعني اللي بيصنع الاتنين هما فلوسك ومعاملتك وطبعًا حضرتك مفلس زي حالاتي يبقى مافيش قدامك حل غير إنك تعاملها كويس. بس علشان تعاملها كويس لازم الأول تفهم شخصيتها واحتياجاتها وتعرف هي بتحب إيه وبتكره إيه، علشان كده أنا…

شُفتها بعيني داخلة المكتبة وهيَّ بتتلفت شمال ويمين، ولمَّا اتأكدت إن مفيش غيرها، في ثانية كانت خاطفة الكتاب ومخبياه ورا ضهرها.أنا بصراحة في الأول – ورغم مظهرها الأنيق – توقَّعت أنها هتسرق الكتاب وتمشي، لكن فجأة لقيتها بتتحرك تاني وبمُنتهى التوتر ناحية الكاشير.. دفعتْ وجِريتْ على بره.أنا طبعًا الفضول كلني، ودخلت أسأله هيَّ ليه كانت متوترة بالشكل ده؟– يا باشا ما انا خدت على كده.. أي واحدة بتشتري الكتاب ده بتبقى مكسوفة وخايفة حد يشوفها.– ليه إن شاء الله؟! كتاب كيف تزرع الهيروين؟!– يا ريت.. ده كتاب…

في السنة اللي عمل فيها جون جراي كتابه الشهير الرجال من المريخ والنساء من الزهرة… عملنا كتاب الرجال من بولاق والنساء من أول فيصل… واللي باع أكتر من خمسين نسخة.كتب عربي… أم الأجنبي…ورغم ذلك ومع كل احترامنا للدكتور وكتابه الرائع… لكن برضه الكتاب ناقص مواضيع كتير ومهمة… يعني مثلًا ماتكلمش على سيكولوجية الفانلة الحمالات للزوج ومدى تأثير ريحتها على الزوجة، ولا حتى اتكلم على مناخير الزوج وعلاقتها بحاسة السمع عند الزوجة أثناء النوم، كمان الكتاب تجاهل عمدًا التعرض للاختلافات الجوهرية بين الزوجة اللي…