Books

أنا نادر فوده رجعت من جديد بعد إقناع طويل من صديقي أحمد يونس علشان أكمل المشواراللى بدأته رجعت بعد ما تخطت روايتى الأولى الأربعين طبعة وكانت مفاجأة ليا رجعت بعد ما روايتى الأولى فى معرض الكتاب حضر توقيعها 12 ألف محب ليا وحطمت كل الأرقام كنت فاكر أن الوقاد هو قمة الشر كنت فاكر أنى هقدر أعيش حياتى بهدوء لكن من الواضح أن اللى زيي وزيك موضوع الراحة ده مش حليفهم فى روايتى التانية حابب أفكرك أنك ما تربطش بينهم وبين قصص الراديو نهائى حابب أقولك أن الرواية كلها بالعامية المصرية علشان هى الوحيدة اللى قدرت تعبر عنى كويس جدا مقدرش أوعدك أنك هتلاقى عندى دايما الخير بينتصر على الشر ولا أقدر أوعدك أنك هتلاقينى دايما فارس العصر لكن أقدر أوعدك كويس جدا انك هتعيش معايا هنا مغامرة ... الفزع هو أبسط تعريف ليها قلل اضاءة اوضتك أسمع أشهر تراكات قصصى أو أقعد عالبحر بالليل وابدأ الرواية واقراها بهدوء ومزاج عشان مجرد ما تخلصها صدقنى هتزعل جدا انها خلصت.