Books

فيه ميراث بيتم توزيعه وقت الولادة..

بمجرد ما حضرتك تتولد.. بتبدأ فى استلام تركة ثقيلة وممتدة

من كل أجيال أسرتك، دول يسلِّموك مخاوفهم.. ودول يسلِّموك نقط ضعفهم.. ودول يسلَّموك نصوص حياتية مُعدة مسبقًا..
إحنا محتاجين نقف وقفة حاسمة وجادة.. نراجع فيها كل ما تسلمناه..

محتاجين نخرج عن النص .. ونبدأ في الكتابة من جديد.. بأقلامنا نحن..

في الباب الأول من هذه الكتاب، هنعرف يعنى إيه حدودك النفسية..

وإيه هي نفسك الحقيقية ونفسك المزيفة.. وليه بنكرر أحيانا نفس الغلطة..

هنتعلم عن المواقف غير المنتهية.. والمشاعر اللي بنحسها.. بس هي في الحقيقة مش مشاعرنا..

هانكتشف ازاى ممكن عايشين نصف حياة.. وايه الأدوار اللى بنلعبها في سيناريوهات حياتنا..

فى الباب الثانى.. هانتكلم عن الصوت الداخلى اللي بيطلع من جوانا، ويفسد علينا كل شئ..

هانستعرض بالأمثلة بعض القرارات اللى بناخدها واحنا صغيرين، واللى بتتغير معاها حياتنا للأبد..

هانتكلم عن الانتحار وإيه معنى إن حد يقرر ينهي حياته..

هانشوف الخوف من الهجر والوحدة ممكن يعمل إيه في أصحابه..

هانفهم اختيارتنا بتقول عننا إيه.. وهانعرف ازاى ما نخليش احتياجتنا.. تبهدلنا.. ياللا بينا نخرج عن النص.. في اتجاه النور.. في اتجاه الحياة.. «محمد طه»

الوعي النفسي مُكلِّف، وتكلفته قد تكون باهظة..
النمو مُخاطرة.. محسوبة وغير محسوبة..
الرحلة تُشبه المشي على الصراط.. أن تجتاز الجحيم، لتصل إلى جنة نفسك العامرة..
وعلى هذا الصراط، وفي تلك الرحلة.. هتعدي بمحطات مهمة وفارقة جدًّا..
محطة إنك تخرج عن النص القديم الموروث المتهالك.. اللي كتبه حد غيرك، وأصبح مش مناسب ليك..
ومحطة إنك تكتشف كل العلاقات الخطرة اللي في حياتك، وتعالجها أو تُنهيها فورًا..
وتلات محطات كمان، هيقدمهم لك هذا الكتاب..
الكتاب ده هينقلك بهدوء وثقة.. من مرحلة «الحبو» خارج النص.. و«المشي» فوق أشواك العلاقات الخطرة وتجاوزها.. إلى الضرب على الأرض بشكل إيقاعي متتابع ومُبهر..
وكأنك راقص فلامنكو مُحترف..
يرقص فوق آلامه، ويزلزل القلوب أمام عينيه..