Books

هذا الكتاب عن الحُب.. وعن الوعي.. وعن الأحلام..
عن الحُب.. بحقيقته وعُمقه.. وأصدق ما فيه..
أربعة أنواع من الرجال، وأربعة أنواع من النساء.. أهم ما يمكن أن تقدمه، وما لا يجب التنازل عنه فى أى علاقة حُب.
عن الوعي.. بمستوياته وطبقاته ومُحتوياته..
كل مستوى منهم، إيه اللي موجود فيه، ومن إمتى، وهل يخصك وحدك فقط.. معنى الأحداث اللي بتحصل مع بعض، لكنها مش صدفة.. معنى إنك تسمع كلمة من حد، إنت محتاج تسمعها في التوقيت ده.. أو تشوف حلم، يوصّل لك رسالة معينة إنت مستنيها دلوقت..
وعن الأحلام.. بأنواعها ووظائفها ومعانيها..
بنحلم ليه.. وإزاي.. وإيه اللي هيحصل لو ما حلمناش.. كل حلم جاي منين، وعاوز يقول إيه.. ومعنى إنك تشوف حلم ويتحقق.. هنفهم بعض رموز الأحلام.. ونفك بعض شفراتها.. بشكل علمي مُبسط وواضح..
ونكتشف أخيرًا العلاقة الوثيقة والمهمة بين الحب.. والوعي.. والأحلام..
هذا الكتاب.. ليس عن الآخرين..
هذا الكتاب عنك.. من الداخل.. من الأصل.
قبل أن تقرأ هذا الكتاب..
قُل «وداعًا ».. للعالَم كما تراه وتعرفه..
ثم «أهلًا».. لعالَم جديد ومختلف تمامًا..
وداعًا..
ثم أهلًا

فيه ميراث بيتم توزيعه وقت الولادة..

بمجرد ما حضرتك تتولد.. بتبدأ فى استلام تركة ثقيلة وممتدة

من كل أجيال أسرتك، دول يسلِّموك مخاوفهم.. ودول يسلِّموك نقط ضعفهم.. ودول يسلَّموك نصوص حياتية مُعدة مسبقًا..
إحنا محتاجين نقف وقفة حاسمة وجادة.. نراجع فيها كل ما تسلمناه..

محتاجين نخرج عن النص .. ونبدأ في الكتابة من جديد.. بأقلامنا نحن..

في الباب الأول من هذه الكتاب، هنعرف يعنى إيه حدودك النفسية..

وإيه هي نفسك الحقيقية ونفسك المزيفة.. وليه بنكرر أحيانا نفس الغلطة..

هنتعلم عن المواقف غير المنتهية.. والمشاعر اللي بنحسها.. بس هي في الحقيقة مش مشاعرنا..

هانكتشف ازاى ممكن عايشين نصف حياة.. وايه الأدوار اللى بنلعبها في سيناريوهات حياتنا..

فى الباب الثانى.. هانتكلم عن الصوت الداخلى اللي بيطلع من جوانا، ويفسد علينا كل شئ..

هانستعرض بالأمثلة بعض القرارات اللى بناخدها واحنا صغيرين، واللى بتتغير معاها حياتنا للأبد..

هانتكلم عن الانتحار وإيه معنى إن حد يقرر ينهي حياته..

هانشوف الخوف من الهجر والوحدة ممكن يعمل إيه في أصحابه..

هانفهم اختيارتنا بتقول عننا إيه.. وهانعرف ازاى ما نخليش احتياجتنا.. تبهدلنا.. ياللا بينا نخرج عن النص.. في اتجاه النور.. في اتجاه الحياة.. «محمد طه»